原标题：张翰、杨烁两大“霸总”齐聚广东！变身伙计、厨师，传承岭南气质！
“油腻霸总”专业户
杨烁、张翰
齐齐联手参演新剧
不过今次佢哋戏路掂水好多
剧情会睇到人热血沸腾
年代剧《珠江人家》
寻晚喺央视一台上线
在剧中
杨烁饰演药铺伙计“陈山河”
张翰饰演饭店厨师“陈卫”
熟悉佢哋嘅都知道
两人都曾因角色演得
太油腻而出圈
杨烁係《欢乐颂》中
扭身扭势跳舞嘅“小包总”
而张翰上年嘅
《东八区嘅先生》
更遭到群嘲
后来剧集仲无踪无影
近期，佢嘅粉丝量更俾
网红“佛山电翰”超越
呢位网红係来自
剧集取景地之一嘅佛山
佢凭借同张翰相似嘅外表
魔性嘅配乐和百搭嘅动作
引来大班网友争相模仿
“秋收版”“消防版”
“洗衣版”......
争取把简单嘅事情做到极致
今次张瀚喺剧集中
把厨师嘅行当发扬光大
把握真本事，传承真技艺
除了剧情吸引
亦为自己扳回一城
//////
剧中除咗
创新粤药嘅陈山河
发扬粤菜嘅陈卫
仲有佢哋嘅细妹
由郭晓婷饰演嘅陈立夏
郭晓婷作为实力派小花
喺上年嘅表演综艺
《无限超越班》上
更受到惠英红力捧
佢曾参演过好多大热剧
但就没做过女一
不过呢次喺《珠江人家》
佢终于有机会担正
仲要接受挑战唱粤剧
剧中佢同粤剧名角金慧荣
嘅青梅竹马故事都非常动人
佢嘅表现令人十分期待啦！
//////
呢部剧嘅故事
发生喺抗战时期嘅广东地区
三兄妹亲眼目睹父母遇害
好唔容易逃脱敌手
又被迫分离，流离失所
剧情中讲述咗失散多年嘅佢哋
再次重逢、并肩作战嘅故事
让乱世多咗一分温情
而预告中最令人热血沸腾嘅
当属保家卫国嘅激战场面
三兄妹纷纷成为“双面勇士”
陈山河利用研制药物
与日本药商斗智斗勇
陈卫表面在煮饭
实际上拒当汉奸抗战救民
陈立夏表面唱戏
实际上精心编排咗一场抗战大戏
剧中仲有好多岭南风味
集齐粤药、粤菜、粤剧元素
打造咗一场岭南文化盛宴
剧中借角色之口
科普陈皮功效、粤菜讲究
和粤剧程式
剧集仲喺广东取景
其中就有八百几年历史嘅
佛山三水芦苞胥江祖庙
展示岭南水乡的韵味
剧集仲受到大湾区明星支持
主题曲《为你》
由容祖儿、许靖韵献唱
而片尾曲和插曲亦有
我哋熟悉嘅本土歌手参与演唱
寻晚
广州塔亦亮灯
为电视剧打call
就等各位“珠江人家”
一齐来支持啦！
来源：可乐生活Color微信公众号
编辑：张子殷
审核：曾敏妍
签发：骆苹